Хушхабар– Январь 2024 –Иноят ва Ҳақиқат журнали
Абадийлик
Мен пойгаларнинг ҳаяжонидан завқланаётган эдим. Мухлислар ўзларининг севимли отларини олқишлашарди. Бирдан пальто енгимдан тортилганини ҳис қилдим. Ёш йигит менга яқинлашди, қўлимга бир парча қоғоз тутқазди ва шивирлади: “Абадийлик”. У нимани назарда тутганди? Бу отнинг исми эмасди. Мен қоғозни чўнтагимга солдим ва унутиб юбордим.
Тушдан кейин отларга пул тикиб завқланишга уринар эканман, ўша “абадийлик” сўзи хаёлимдан кетмасди. Бир ой олдин энг яқин дўстим тўсатдан вафот этганди. Мен уни абадийликда деб ўйладим. Агар у ҳаёт бўлганида, мен билан пойгаларда бўларди. Лекин энди у абадийликда эди.
Кейинроқ уйда мен бегона одам берган қоғозни топдим. Унда Худо мени севишини ва гуноҳларимни кечиришни, мени Ўзи билан жаннатда абадийликка олиб қолишни хоҳлашини билдим. Мен ишлатилмаган Муқаддас Китобимни қидирдим, Юҳанно Инжилини ўқидим, гуноҳкор сифатида Раббимиз Исо Масиҳга келдим ва Уни нажоткорим сифатида қабул қилдим.
Тўхтанг ва абадийликни қаерда ўтказишингиз ҳақида ўйлаб кўринг. Муқаддас Китоб бизга Масиҳ Ўз қони билан биз учун абадий нажотга эришганини, шунда биз, имон келтирганлар, абадий мерос ваъдасини олишимиз мумкинлигини айтади (Ибр. 9:12,15). Агар сиз бу ваъдани қабул қилсангиз, жаннатга йўл оласиз.
Энди Раббимизнинг Ўзининг ушбу сўзларини ўқинг: “Мендан кетинг, эй лаънатланганлар, абадий оловга... Ва булар абадий жазога, аммо солиҳлар абадий ҳаётга кирадилар” (Мат. 25:41,46).
Бу абадийлик ҳақидаги ҳақиқатдир. Гуноҳларингиздан тавба қилинг, Масиҳни нажоткорингиз сифатида қабул қилинг ва абадий ҳаёт сизники бўлади. Гуноҳларингизда давом этинг, Масиҳни нажоткорингиз сифатида рад этинг ва жазо абадийликка сизники бўлади. Дўстим, абадийликда қаерда бўласиз? Биз сизга кўпроқ маълумот беришимиз мумкин.
Бу мақолани қуйидаги манзилдан рисола сифатида олиш мумкин: Иноят ва Ҳақиқат.
