Шанбе, 20 Сентябр 2025

Зеро касе ки маро ёфта бошад, ҳаётро ёфтааст, ва аз ҷониби Худованд ҳусни таваҷҷӯҳ хоҳад ёфт.

Масалҳо 8:35

Худованд чунин мегӯяд: «Бигзор хирадманд бо хиради худ наболад, ва зӯровар бо зӯри худ наболад, ва сарватдор бо сарвати худ наболад, Балки каси боланда фақат бо ин биболад, ки Маро фаҳм мекунад ва мешиносад, ки Ман Худованд ҳастам, ки марҳамат, инсоф ва адолатро бар замин ба амал меоварам, зеро фақат ҳамин барои Ман матлуб аст», — мегӯяд Худованд.

Ирмиё 9:23-24

Ибтидои ҳикмат тарси Худованд аст, ва шинохтани Қуддус хирад аст,

Масалҳо 9:10

Лекин он чи барои ман бартарӣ буд, ба ҳотири Масеҳ нуқсон донистам. Ва ҳанӯз ҳамаашро ба ҳотири афзалияти дониши Худованди ман Исои Масеҳ нуқсон медонам, ки барои Ӯ ман аз ҳамааш даст кашидам ва ҳамаашро ахлот медонам, то ки Масеҳро пайдо кунам

Нома ба Филиппиён 3:7-8

Ки дар Ӯ ҳамаи ганҷҳои ҳикмат ва дониш ниҳон аст.

Нома ба Қӯлассиён 2:3

Машварат ва зиракӣ дар ман аст; ман хирад ҳастам; қувват дар ман аст.

Масалҳо 8:14

Ва аз Ӯ шумо дар Исои Масеҳ ҳастед, ки барои мо ҳикмате аз ҷониби Худо, яъне адолат ва қудсият ва кафорат шудааст,

1 ба Қӯринтиён 1:30

Меваи одил дарахти ҳаёт аст, ва он ки ҷонҳоро ҷалб менамояд, хирадманд аст.

Масалҳо 11:30