Якшанбе, 1 Март 2026

Он гоҳ хиҷил нахоҳам шуд, вақте ки ба тамоми аҳкоми Ту назар андозам.

Забур 118:6

Зеро ки Ту паноҳгоҳи ман будӣ, ва бурҷи қуввае аз душман.

Забур 60:4

Таронаи Довуд. Сӯи Ту, эй Худованд, мехонам. Эй кӯҳпораи ман, аз пешам хомӯш нагузар: мабодо аз пешам хомӯш гузарӣ, ва ман мисли фурӯравандагони гӯр гардам.

Забур 27:1

Маро бо шарирон ва бадкирдорон маҳв накун, ки бо ёронашон дар бораи сулҳу осоиштагӣ сухан меронанд, вале бадӣ дар дил доранд.

Забур 27:3

Ва инак, ба мо Худо сардорӣ мекунад, ва коҳинони Ӯ, ва карнайҳои баландовоз, то ки ба муқобили шумо бинавозанд. Эй банӣ‐Исроил! Бо Худованд Худои падарони худ ҷанг накунед, зеро ки муваффақият нахоҳед ёфт».

2 Вақоеънома 13:12

Бисароед Худоро, бисароед! Бисароед Подшоҳи моро, бисароед!

Забур 46:7

Онҳо ба Барра ҷанг хоҳанд кард, ва Барра бар онҳо ғолиб хоҳад омад; зеро ки Ӯ Худованди худовандон ва Подшоҳи подшоҳон аст, ва онҳое ки бо Ӯ ҳастанд, даъватшудагон ва баргузидагон ва аминон мебошанд».

Ваҳй Юҳанно 17:14

Чаро халқҳо ба шӯр меоянд, ва қабилаҳо беҳуда қасд мекунанд?

Забур 2:1

Он ки дар осмон нишастааст, механдад: Худованд онҳоро тамасхур менамояд.

Забур 2:4

Қасд хоҳед кард, вале он ботил хоҳад шуд! Сухан хоҳед ронд, вале он ба амал нахоҳад омад, зеро ки Худо бо мост!

Ишаъё 8:10