Чоршанбе, 10 Сентябр 2025

Ва дили тоза ба шумо хоҳам дод, ва рӯҳи тоза андаруни шумо хоҳам ниҳод; ва дили сангинро аз ҷисми шумо дур хоҳам кард, ва дили гӯштин ба шумо хоҳам бахшид.

Ҳизқиёл 36:26

Худовандо! Макони хонаи Туро дӯст медорам, ва мақоми маскани ҷалоли Туро. Ҷонамро бо хатокорон ва ҳаётамро бо хунхӯрон нобуд накун, Ки дар дастҳошон фисқу фуҷур аст, ва яминашон пур аз ришва.

Забур 25:8-10

То ки ҳама як бошанд; чунон ки Ту, эй Падар, дар Ман ҳастӣ ва Ман дар Ту, онҳо низ дар Мо як бошанд, — то ҷаҳон имон оварад, ки Ту Маро фиристодӣ.

Инҷили Юҳанно 17:21

Пас, ман, ки дар Худованд бандӣ ҳастам, аз шумо хоҳишмандам, ки муносиби мақоме ки ба он хонда шудаед, рафтор кунед, Бо тамоми мулоимат ва фурӯтанӣ ва пурсабрӣ якдигарро дар муҳаббат таҳаммул намоед, Ва саъю кӯшиш кунед, ки ягонагии Рӯҳро дар иттифоқи осоиштагӣ нигоҳ доред: Як Бадан ҳаст ва як Рӯҳ, чунон ки шумо низ ба як умеди муайян даъват шудаед; Як Худованд ҳаст, як имон, як таъмид, Як Худо ва Падари ҳама, ки Ӯ бар болои ҳама, ва ба воситаи ҳама, ва дар ҳама мебошад.

Нома ба Эфсӯсиён 4:1-6