Сешанбе, 23 Июн 2026

Пас, барои қавми Худо боз оромии шанбе боқӣ мемонад.

ба Ибриён 4:9

Ва қавми ман дар макони сулҳу осоиштагӣ, ва дар масканҳои амният, ва дар оромгоҳҳои сафобахш ҷойгир хоҳанд шуд.

Ишаъё 32:18

Дар он ҷо шарирон хашмгиниро бас мекунанд, ва дар он ҷо бемаҷолон ором меёбанд.

Айюб 3:17

Ва овозе аз осмон шунидам, ки мегӯяд: «Бинавис: хушо мурдагоне ки минбаъд дар Худованд мемиранд; оре, мегӯяд Рӯҳ, инҳо аз меҳнатҳои худ ором мегиранд, ва аъмолашон аз қафояшон меравад».

Ваҳй Юҳанно 14:13

Ки ба он ҷо пешгузаштаи мо — Исо дохил шуда, то абад Саркоҳин гардид ба монанди Малкисодақ.

ба Ибриён 6:20

Назди Ман оед, эй ҳамаи заҳматкашон ва гаронборон, ва Ман ба шумо оромӣ хоҳам бахшид; Юғи Маро ба гардани худ гиред ва аз Ман таълим ёбед, зеро ки Ман ҳалим ва фурӯтан ҳастам, ва ҷонҳои шумо оромӣ хоҳад ёфт; Зеро юғи Ман хуш ва бори Ман сабук аст».

Инҷили Матто 11:28-30

Зеро ки Худованд Худо, Қуддуси Исроил чунин мегӯяд: «Бо тавба ва фароғат наҷот меёфтед; қуввати шумо дар оромӣ ва эътимод мебуд»; вале шумо нахостед.

Ишаъё 30:15

Таронаи Довуд. Замин ва ҳар чӣ дар он аст, дуньё ва сокинони он аз они Худованд аст; Зеро ки Ӯ онро бар баҳрҳо буньёд кардааст ва бар дарьёҳо барқарор намудааст.

Забур 23:1-2