Ибтидо 5-бобдаги тўфондан олдинги патриархлар Сетдан келиб чиққан бўлиб, тобора ёвузлашиб бораётган дунёда жуда узоқ умр кўришган. Бугунги кунда ҳам ёвузликнинг тез суръатларда ўсиб бораётганини кўриш ва ҳис қилиш ачинарли. Бунинг давоси нима?
Ҳанўхнинг Худо билан тажрибаси бўлганлиги аниқ. Унинг дастлабки 65 йили ҳақида ҳеч нарса айтилмайди. Аммо кейин биз унинг биринчи ўғли Матушаланинг туғилиши ҳақида ўқиймиз. Бизга бу исм «У ўлганида келади» деган маънони англатиши айтилади. Бу Худо унга берган ҳаётни ўзгартирувчи ва ҳар куни эслаб туришни хоҳлаган ваҳий бўлган кўринади.
Ҳаётининг қолган 300 йили давомида у ўғил ва қизларнинг отаси бўлди. Улардан нечтаси Худони билиб ва севиб ўсганини билмаймиз. Биз билганимиз шуки, у Худо билан юрган. Худо билан юриш уни яхши ота қилган бўларди. Эркаклар, агар хотинингизга яхши эр ва оилангизга яхши ота бўлишни истасангиз, Худо билан юринг! Ва 3000 йилдан кейин Худо бизга Ҳанўх Худони мамнун қилганини очиқ айтади. Бу ўша давр дунёсида осон эмас эди, бугунги дунёда ҳам унинг завқлари ва хавф-хатарлари билан осон эмас.
Ҳанўх ажойиб тарзда мукофотланди. У ўлимни кўрмади. Бу қандай бўлиши мумкин? «Худо уни олди». Ҳанўх Худо уни «у» — Худо унга ошкор қилган ҳукм — келмасидан олдин Ўзига олишига ишонган эди. Худо унинг имонига кўра ҳаракат қилди, уни Ўзига олди. Биз ҳам Нажоткоримизнинг келиб бизни Ўзига олишини интиқлик билан кутамиз!
