Шанбе, 26 Июл 2025

Худо дар қасрҳои он ҳамчун паноҳгоҳ машҳур аст:

Забур 47:4

Варо дар биёбон ёфт, дар замини халои пур аз уллос; варо пуштибонӣ намуд, ба вай назорат кард, варо ҳамчун гавҳараки чашми Худ нигоҳ дошт. Чунон ки уқоб аҳли лонаи худро бедор карда, бар чӯҷаҳои худ мепарад, ва болҳои худро паҳн карда, онҳоро мегирад, ва бар болу пари худ бардошта мебарад, Ончунон Худованд танҳо варо ҳидоят намуд, ва худои бегонае бо вай набуд.

Такрори Шариат 32:10–12

Худованд, ки Раҳокунандаи ту ва Қуддуси Исроил аст, чунин мегӯяд: «Ман Худованд Худои ту ҳастам ва туро таълим медиҳам, ки ба худат фоида бирасонӣ, ва туро ба роҳе ҳидоят менамоям, ки бояд бо он биравӣ.

Ишаъё 48:17

Инак, Худо бо қуввати Худ олист; кист, ки мисли Ӯ таълим диҳад?

Айюб 36:22

Зеро ки бо имон рафтор мекунем, на бо дидор, —

2 ба Қӯринтиён 5:7

Зеро дар ин ҷо шаҳри доимие надорем, балки ояндаро ҷустуҷӯ менамоем.

Ибриён 13:14

Эй маҳбубон! Аз шумо, ҳамчун ғарибон ва муҳоҷирон, хоҳишмандам, ки аз ҳавасҳои ҷисм, ки бар зидди ҷон қиём мекунанд, парҳез намоед

1 Петрус 2:11

Бархезед ва биравед, зеро ки ин ҷо оромгоҳи шумо нест; ба сабаби палид шуданаш он шуморо ба ҳалокат хоҳад расонид, ва ин ҳалокати сахте хохад буд.

Мико 2:10