Нома ба Ибриён китоби муболиғаҳост, ки Худованд Исои Масеҳро бо ҳама чизҳое, ки пеш аз Ӯ буданд ё баъд аз Ӯ хоҳанд омад, муқоиса мекунад. Нома бо бузургии шахсияти Ӯ оғоз меёбад. Ӯ аз пайғамбарон ва фариштагон бузургтар аст. Ӯ ифодаи «моҳияти» Худо, ё «намояндагии табиати Ӯ» аст (Ибриён 1:3 NASB). Ин маънои онро дорад, ки дар вуҷуди аслии худ Ӯ аз ҳамон табиат ё моҳияти Худост.
Ӯ Офаридгори «ҷаҳонҳо» ё «космос» аст. Дар Аҳди Ҷадид се порча мавҷуд аст, ки дар онҳо ҷалоли илоҳии Ӯ ҳамчун Офаридгор ошкор шудааст: Юҳанно 1, Қӯлассиён 1 ва Ибриён 1. Ӯ «ҳама чизро» офаридааст, аз ҷумла мавҷудоти фариштагии ноаёнро (Қӯлассиён 1:16). «Ҳеҷ чизе» ба вуҷуд наомадааст, ки бе Ӯ бошад (Юҳанно 1:3). Ӯ «Вориси ҳама чиз» аз рӯи ваъда аст (Забур 2:8), аммо инчунин ба туфайли он, ки Ӯ Офаридгор аст.
Аммо, мӯъҷизаи мӯъҷизаҳо, ин ҳамон Шахс, ин Офаридгори коинот аст, ки «поксозии гуноҳҳоро» анҷом додааст! Танҳо Ӯ метавонист инро ба анҷом расонад. Гуноҳҳо аз они мо буданд, аммо кори поксозӣ танҳо аз они Ӯ буд. Ин корро ба анҷом расонида, Ӯ «дар тарафи рости бузургии дар баландӣ нишаст». Ҳеҷ инсони оддӣ наметавонист дар тарафи рости бузургии дар баландӣ нишинад. Масеҳ дар ҳақиқат Инсон буд ва ҳаст, аммо Шахси илоҳӣ. Ҳеҷ ҷой ё шарафе аз тарафи рости Худо баландтар нест, ва Наҷотдиҳандаи мо дар он ҷо нишастааст, зеро танҳо Ӯ сазовор аст. Имрӯз, биёед дар бораи бузургии Шахсияти Ӯ ва он чи Ӯ барои мо анҷом додааст, мулоҳиза ронем.
