Панҷшанбе, 4 Декабр 2025

Ва агар касе аз шумо аз ҳикмат камӣ дошта бошад, бигзор талаб кунад аз Худое ки ба ҳама бо саховат ва бе сарзаниш ато менамояд, — ва ба вай ато хоҳад шуд. Валекин бигзор бо имон талаб кунад ва ҳеҷ шакку шубҳа надошта бошад, чунки шаккок ба мавҷи баҳр монанд аст, ки аз шамол баланд шуда, ҷавлон мекунад:

Яъқуб 1:5-6

Бо тамоми дили худ ба Худованд таваккал намо, ва ба хиради худ такья накун. Дар ҳамаи тариқҳои худ Ӯро дарк намо, ва Ӯ роҳҳои туро ҳамвор хоҳад кард.

Масалҳо 3:5-6

Now to the King eternal, immortal, invisible, to God who alone is wise, be honor and glory forever and ever. Amen.

1 Timothy 1:17

Дар назари худат хирадманд набош, аз Худованд битарс, ва аз бадӣ дур шав:

Масалҳо 3:7

Ва ман гуфтам: «Ё Худоё Худовандо! Ман, охир, наметавонам сухан ронам, зеро ки амраде ҳастам». Вале Худованд ба ман гуфт: «Нагӯ: „Ман амраде ҳастам“, балки сӯи ҳар касе ки туро бифиристам, хоҳӣ рафт, ва ҳар чиро, ки ба ту амр фармоям, хоҳӣ гуфт. Аз онҳо натарс, зеро Ман бо ту ҳастам, то ки туро халосӣ диҳам», — гуфт Худованд.

Ирмиё 1:6-8

Ва дар он рӯз аз Ман чизе нахоҳед пурсид. Ба ростӣ, ба ростӣ ба шумо мегӯям: ҳар он чи аз Падар ба исми Ман талаб кунед, ба шумо ато хоҳад кард. То кунун ба исми Ман чизе талаб накардаед; талаб кунед, то бигиред, ва шодии шумо комил гардад.

Инҷили Юҳанно 16:23-24

Ва ҳар он чи дар дуо бо имон талаб кунед, хохед ёфт».

Инҷили Матто 21:22