Нури ҳаррӯза, 29 Сентябр: Мо муҳаббатро аз он донистем

Мо муҳаббатро аз он донистем, ки Ӯ ҷони Худро барои мо фидо кард.

1 Юҳанно 3:16

Муҳаббати Масеҳ, ки аз идрок болотар аст.

Нома ба Эфсӯсиён 3:19

Касе муҳаббати бузургтар аз ин надорад, ки ҷони худро барои дӯстони худ фидо кунад.

Инҷили Юҳанно 15:13

Зеро шумо файзи Худованди мо Исои Масеҳро медонед, ки Ӯ сарватдор буда, барои шумо бенаво шуд, то ки шумо ба воситаи бенавоии Ӯ сарватдор шавед.

2 ба Қӯринтиён 8:9

Эй маҳбубон! Агар Худо моро ин гуна дӯст дошта бошад, мо низ бояд якдигарро дӯст бидорем.

1 Юҳанно 4:11

Балки ба якдигар меҳрубон ва дилсӯз бошед ва якдигарро афв намоед, чунон ки Худо низ моро дар Масеҳ афв намудааст.

Нома ба Эфсӯсиён 4:32

Ва ба ҳамдигар илтифот намуда, якдигарро афв кунед, агар касе аз дигаре ранҷида бошад: чӣ тавре ки Масеҳ шуморо омурзидааст, шумо низ ҳамин тавр кунед.

Нома ба Қӯлассиён 3:13

Зеро Писари Одам низ на барои он омад, ки ба Ӯ хизмат кунанд, балки барои он ки хизмат кунад ва ҷони Худро барои фидияи бисьёр касон бидиҳад.

Инҷили Марқӯс 10:45

Чунки Масеҳ низ барои шумо уқубат кашида, ба шумо намунаи ибрат боқӣ гузошт, то ки аз паи Ӯ равона шавед.

1 Петрус 2:21

Шумо ҳам бояд пойҳои якдигарро бишӯед: Зеро ба шумо намунае нишон додам, то, чунон ки Ман бо шумо кардам, шумо низ бикунед.

Инҷили Юҳанно 13:14–15

Мо ҳам бояд ҷонҳои худро барои бародарон фидо кунем.

1 Юҳанно 3:16

Ки Падар ба амал меоварад: зеро ки он чи Ӯ мекунад, Писар низ мекунад.

Инҷили Юҳанно 5:19

Зеро ки Худованд ҳикмат мебахшад: дониш ва хирад аз даҳони Ӯст.

Масалҳо 2:6

Зеро ки Ман ба шумо забоне ва ҳикмате хоҳам дод, ки ҳамаи душманони шумо натавонанд на зиддияте ба он нишон диҳанд ва на ба муқобили он чизе бигӯянд.

Инҷили Луқо 21:15

Ба Худованд умедвор бош, матин бош, ва дилат қавӣ хоҳад шуд.

Забур 26:14

Барои ту файзи Ман басанда аст, зеро ки қуввати Ман дар заъф комил мешавад.

2 ба Қӯринтиён 12:9

Ба даъватшудагоне ки дар Худои Падар тақдис ёфтаанд ва дар Исои Масеҳ маҳфузанд.

Яҳудо 1:1

Зеро ки ҳам Тақдискунанда ва ҳам тақдисшавандагон, ҳама аз Ягона ҳастанд; ба ин сабаб Ӯ ор намекунад, ки онҳоро бародар хонад, ва мегӯяд.

ба Ибриён 2:11

Оё Ман замин ва осмонро пур намекунам? — мегӯяд Худованд.

Ирмиё 23:24

Пуррагии Ӯст, ки ҳама чизро дар ҳама пур мекунад.

Нома ба Эфсӯсиён 1:23

Ман, Ман Худованд ҳастам, ва ғайр аз Ман Наҷотдиҳандае нест.

Ишаъё 43:11

Ки Ӯ дар ҳақиқат Наҷотдиҳандаи олам аст, яъне Масеҳ аст.

Инҷили Юҳанно 4:42

Файз, марҳамат ва осоиштагӣ аз ҷониби Худои Падар ва Наҷотдиҳандаи мо Исои Масеҳи Худованд бод.

Нома ба Титус 1:4