Нури ҳаррӯза, 1 Октябр: Аммо самари Рӯҳ инҳост: муҳаббат

Аммо самари Рӯҳ инҳост: муҳаббат ... парҳезгорӣ.

Нома ба Ғалотиён 5:22–23

Ҳамаи риёзаткашон аз ҳар чиз худдорӣ мекунанд: онҳо барои гирифтани тоҷи фонӣ, лекин мо барои гирифтани тоҷи ғайрифонӣ. Бинобар ин ман медавам на он тавре ки бар абас бошад, ва мушт мезанам на он тавре ки фақат барои задани ҳаво бошад; Балки ҷисми худро азоб медиҳам ва ғулом мегардонам, то ки ба дигарон мавъиза намуда, худам маҳрум набошам.

1 ба Қӯринтиён 9:25–27

Ва масти шароб нашавед, ки аз он фисқу фуҷур ба амал меояд; балки аз Рӯҳ пур шуда.

Нома ба Эфсӯсиён 5:18

Агар касе хоҳад аз ақиби Ман биёяд, бояд хештанро инкор карда ва салиби худро бардошта, Маро пайравӣ намояд.

Инҷили Матто 16:24

Набояд мисли дигарон дар хоб бошем, балки бедор ва ҳушьёр бошем. Зеро ки хобидагон шабона мехобанд, ва мастон шабона маст мешаванд; Вале мо, ки писарони рӯз ҳастем.

1 ба Таслӯникиён 5:6–8

Ки маъсият ва шаҳавоти дуньёро рад намуда, дар ин дуньё бо исмат, адолат ва парҳезгорӣ зиндагӣ кунем, Ва мунтазири умеди муборак ва зуҳури ҷалоли Худои азим ва Наҷотдиҳандаи мо Исои Масеҳ бошем.

Нома ба Титус 2:12–13

Мо дар ҳар чиз ба Он ки Сар аст, яъне ба Масеҳ нумӯ ёбем.

Нома ба Эфсӯсиён 4:15

Аввал майса, баъд хӯша, пас аз он донаи пурра дар хӯша.

Инҷили Марқӯс 4:28

То даме ки ҳамаамон ба ягонагии имон ва шиносоии Писари Худо, ба дараҷаи шахси комил, ба андозаи бузургии пурраи Масеҳ бирасем.

Нома ба Эфсӯсиён 4:13

Онҳое ки худро бо худ андоза мекунанд ва худро бо худ муқоиса менамоянд, хирад надоранд. Ва ҳар кӣ фахр мекунад, бигзор бо Худованд фахр кунад. Зеро на он кас арзанда аст, ки худро ситоиш мекунад, балки он кас, ки Худованд ӯро ситоиш мекунад.

2 ба Қӯринтиён 10:12, 17–18

Аммо ҷисм аз они Масеҳ аст. Касе шуморо ба воситаи хоксорӣ ва ибодати фариштагон аз подош маҳрум накунад, дар сурате ки вай ба чизҳое ки надидааст, мудохила менамояд, аз ақли чисмонии худ беҳуда меболад. Инҳо робитаи худро аз сари бадан буридаанд, аз саре ки тамоми бадан ба воситаи буғумҳо ва бандҳо куввати ҳаётбахш гирифта ва пайваст гардида, нашъунамо меёбад ба нашъунамое ки аз Худост.

Нома ба Қӯлассиён 2:17–19

Балки дар файз ва шинохтани Худованд ва Наҷотдиҳандаи мо Исои Масеҳ нумӯ ёбед.

2 Петрус 3:18