Нури ҳаррӯза, 21 Октябр: Ман ва Падар як ҳастем

Ва аз пуррагии Ӯ ҳамаи мо файз бар файз пайдо кардем.

Инҷили Юҳанно 1:16

Ин аст Писари Маҳбуби Ман, ки ҳусни таваҷҷӯҳи Ман бар Ӯст.

Инҷили Матто 17:5

Бубинед, ки Падар ба мо чӣ гуна муҳаббате ато намудааст, то ки мо фарзандони Худо номида шавем, ва чунин ҳастем.

1 Юҳанно 3:1

Ки Ӯро вориси ҳама чиз таъин намуд ва оламҳоро низ ба воситаи Ӯ ба вуҷуд овард.

ба Ибриён 1:2

Ва агар фарзандонаш бошем, ворисонаш низ ҳастем: ворисони Худо ва ҳамирсони Масеҳ ҳастем, агар ҳақиқатан бо Ӯ азобу уқубат кашем, то ки бо Ӯ низ ҷалол ёбем.

Нома ба Румиён 8:17

Ман ва Падар як ҳастем». ... ки Падар дар Ман аст, ва Ман дар Ӯ.

Инҷили Юҳанно 10:30, 38

Ман назди Падари Худ ва Падари шумо, назди Худои Худ ва Худои шумо сууд мекунам.

Инҷили Юҳанно 20:17

Ман дар онҳо ҳастам, ва Ту дар Ман; то ки онҳо дар ягонагӣ комил бошанд.

Инҷили Юҳанно 17:23

Ва Ӯро чун сари ҳама чиз ба Калисо дод, Ки он Бадани Ӯст, пуррагии Ӯст, ки ҳама чизро дар ҳама пур мекунад.

Нома ба Эфсӯсиён 1:22–23

Пас, эй маҳбубонам, дар сурате ки чунин ваъдаҳо дорем, худамонро аз ҳар гуна наҷосати ҷисм ва рӯҳ тоза карда, қудсияти худро дар тарси Худо мукаммал намоем.

2 ба Қӯринтиён 7:1

Ғулом бузургтар аз оғои худ нест, ва расул бузургтар аз фиристандаи худ нест. Ҳар гоҳ инро донистед, хушо шумо, агар инро ба амал оваред.

Инҷили Юҳанно 13:16–17

Ва инак, дар Ерусалим Шимъӯн ном марде буд, ки марди одил ва парҳезгор ва мунтазири тасаллои Исроил буд, ва Рӯҳулқудс бар ӯ буд. ... Ва ӯ ба ҳидояти Рӯҳ ба маъбад омад. Ва ҳангоме ки Исои Кӯдакро падару модараш оварданд, то ки маросими шариатро бар Ӯ ба ҷо оваранд.

Инҷили Луқо 2:24–27

Чунки Писари Одам на барои он омад, ки ба Ӯ хизмат кунанд, балки барои он ки хизмат кунад ва ҷони Худро барои фидияи бисьёр касон бидиҳад.

Инҷили Матто 20:28

Ва Исо медонист ... Аз сари суфра бархоста, либоси Худро кашид ва дастмоле гирифта, ба камар баст; Баъд аз он ба тағорае об рехта, ба шустани пойҳои шогирдонаш ва хушконидани онҳо бо дастмоле ки ба камараш баста буд, шурӯъ намуд.

Инҷили Юҳанно 13:3–5