Нури ҳаррӯза, 4 Октябр: Мусо надонист, ки пӯсти чеҳрааш

Мусо надонист, ки пӯсти чеҳрааш, ба сабаби гуфтугӯи Худо бо ӯ, медурахшид.

Хуруҷ 34:29

На моро, эй Худованд, на моро, балки исми Худро ҷалол деҳ.

Забур 113:9

Худовандо! Кай Туро гурусна дидему хӯрок додем? Ё ташна дидему об додем?

Инҷили Матто 25:37

Балки бо фурӯтанӣ якдигарро аз худ авло донед.

Нома ба Филиппиён 2:3

Фурӯтаниро дар бар кунед, чунки Худо ба мағрурон муқобилат мекунад.

1 Петрус 5:5

Ва дар пеши назари онҳо дигаргун шуд: чеҳрааш чун офтоб дурахшид, ва либосаш чун нур сафед гардид.

Инҷили Матто 17:2

Ҳамаи касоне ки дар шӯрои пирон нишаста буданд, бар ӯ назар андохта, диданд, ки чеҳраи ӯ монанди чеҳраи фаришта буд.

Аъмоли Ҳаввориён 6:15

Ва Ман ҷалолеро, ки ба Ман додаӣ, ба онҳо додаам.

Инҷили Юҳанно 17:22

Аммо ҳамаи мо, бо рӯи кушода, мисли он ки дар оина бошад, ба ҷалоли Худованд нигариста, ба ҳамон сурат аз ҷалол ба ҷалол табдил меёбем, ва ин аз Худованд, яъне аз Рӯҳ аст.

2 ба Қӯринтиён 3:18

Шумо нури ҷаҳон ҳастед. Шаҳре ки бар фарози кӯҳ воқеъ аст, наметавонад аз назар пинҳон шавад. Шамъро низ даргиронда, на дар зери зарфе, балки бар шамъдон мегузоранд, ва он гоҳ ба ҳама касоне ки дар хонаанд, рӯшноӣ медиҳад.

Инҷили Матто 5:14–15

Ва амалҳо гуногун аст, аммо Худо ҳамон як аст, ки ҳама чизро дар ҳама ба амал меоварад.

1 ба Қӯринтиён 12:6

Ва баъзе аз сибти Менашше ба Довуд ҳамроҳ шуданд ... Ва онҳо ба Довуд ба муқобили фавҷи душманон мадад расониданд, зеро ки ҳамаашон ҷанговарони далер буданд.

1 Вақоеънома 12:19, 21

Лекин ба ҳар кас зуҳуроти Рӯҳ барои манфиати ҳамаҷониба бахшида мешавад.

1 ба Қӯринтиён 12:7

Ва аз банӣ‐Иссокор — касоне ки аз гардиши рӯзгор огоҳ буда, медонистанд, ки Исроил чӣ корҳо бояд бикунад.

1 Вақоеънома 12:32

Зеро ки ба яке ба воситаи Рӯҳ каломи ҳикмат бахшида мешавад, ба дигаре — каломи дониш, бар тибқи ҳамон Рӯҳ.

1 ба Қӯринтиён 12:8

Аз Забулун — панҷоҳ ҳазор нафар мардоне ки метавонистанд бо лашкар берун оянд, ба воситаи ҳар навъ колои ҳарбӣ ҷанг кунанд, ва якдилона мадад расонанд.

1 Вақоеънома 12:33

Шахси дудила дар ҳамаи роҳҳои худ ноустувор аст.

Яъқуб 1:8

То ки дар бадан носозӣ пайдо нашавад, балки узвҳо ба якдигар як хел ғамхорӣ кунанд. Ва агар як узв дард кунад, бо он ҳамаи узвҳо дард мекунанд; ва агар як узв сазовори таҳсин гардад, бо он ҳамаи узвҳо хурсанд мешаванд.

1 ба Қӯринтиён 12:25–26

Як Худованд ҳаст, як имон, як таъмид.

Нома ба Эфсӯсиён 4:5