Нури ҳаррӯза, 9 Октябр: Ҳар сухани Худо покиза аст

То ки ба ғуломии худ баргарданд; вале Ту Худои ғаффор, карим ва раҳим.

Наҳемьё 9:17

Худованд дар иҷрои ваъда таъхир наменамояд, чунон ки баъзе касон инро таъхир ҳисоб мекунанд; балки ба шумо пурсабрӣ зоҳир менамояд ва намехоҳад, ки касе нобуд шавад, балки ҳама ба тавба рӯ оваранд.

2 Петрус 3:9

Ва пурсабрии Худованди моро наҷот ҳисоб кунед.

2 Петрус 3:15

Лекин ман барои он сазовори марҳамат шудам, ки Исои Масеҳ тамоми пурсабриро аввал дар ман нишон диҳад, то ба онҳое ки барои ҳаёти ҷовидонӣ ба Ӯ имон хоҳанд овард, намунаи ибрат бошам.

1 ба Тимотиюс 1:16

Зеро ҳар он чи пештар навишта шудааст, барои омӯхтани мо навишта шудааст, то ки мо аз Навиштаҳо сабр ва тасаллӣ пайдо карда, умедвор бошем.

Нома ба Румиён 15:4

Ё ки ту ба фаровонии меҳрубонӣ, ҳилм ва пурсабрии Ӯ беэътиноӣ мекунӣ, бехабар аз он ки меҳрубонии Худо туро ба роҳи тавба ҳидоят менамояд?

Нома ба Румиён 2:4

Ва дилҳои худро чок кунед ва на либосҳои худро». Ва сӯи Худованд Худои худ руҷӯъ намоед; зеро ки Ӯ карим ва раҳим, собир ва пур аз эҳсон аст, ва аз бадӣ пушаймон мешавад.

Юил 2:13

Суханони Худованд суханони покиза аст.

Забур 11:7

Сухани Ту бағоят покиза аст, ва бандаи Ту онро дӯст медорад.

Забур 118:140

Фармудҳои Худованд ҳақ аст, дилро шод мекунад; аҳкоми Худованд равшан аст, чашмро мунаввар месозад.

Забур 18:9

Ҳар сухани Худо покиза аст; Ӯ барои онҳое ки ба Ӯ паноҳ мебаранд, сипар аст. Ба суханони Ӯ чизе илова накун: мабодо туро мазаммат намояд, ва ту дурӯғгӯй шавӣ.

Масалҳо 30:5–6

Сухани Туро дар дили худ ниҳон доштаам, то ки пеши Ту хато накунам. Дар бораи фармудҳои Ту фикру хаёл мекунам, ва ба роҳҳои Ту назар меандозам.

Забур 118:11, 15

Эй бародарон, ҳар он чи рост аст, ва ҳалол аст, ва боинсоф аст, ва пок аст, ва хушоянд аст, ва шоёни таҳсин аст, ва ҳар эҳсон ва ҳамде ки бошад, — дар бораи онҳо фикр кунед.

Нома ба Филиппиён 4:8

Чун кӯдакони навзод муштоқи шири поки калом бошед, то ки аз он барои наҷот нашъунамо ёбед.

1 Петрус 2:2

Зеро мо мисли бисьёр касон нестем, ки каломи Худоро харидуфурӯш мекунанд, балки аз самими қалб ва аз ҷониби Худо, ба ҳузури Худо, дар Масеҳ мавъиза менамоем.

2 ба Қӯринтиён 2:17

Макрро ба кор намебарем ва каломи Худоро таҳриф намекунем.

2 ба Қӯринтиён 4:2