Нури ҳаррӯза, 11 Октябр: Аз ман дур набош (Забур 21:12)

Аз ман дур набош, зеро ки тангӣ наздик аст.

Забур 21:12

То ба кай, эй Худованд, маро доим фаромӯш мекунӣ? То ба кай рӯи Худро аз ман пинҳон медорӣ? То ба кай дар ҷонам андешаҳои ҳузнангез ва дар дилам ҳар рӯз ғаму ғусса дошта бошам?

Забур 12:2–3

Рӯи Худро аз ман пинҳон надор; бандаи Худро дар ғазабат напартой; Ту мададгори ман будӣ; маро рад накун ва тарк накун, эй Худои наҷоти ман!

Забур 26:9

Маро хоҳад хонд, ва ӯро иҷобат хоҳам намуд; дар тангӣ Ман бо ӯ ҳастам; ӯро халосӣ хоҳам дод, ва ӯро ҷалол хоҳам дод.

Забур 90:15

Худованд наздик аст ба ҳамаи онҳое ки Ӯро мехонанд, ба ҳамаи онҳое ки Ӯро ба ростӣ мехонанд. Хоҳиши тарсгорони Худро ба ҷо меоварад, ва истиғосаи онҳоро мешунавад, ва онҳоро наҷот медиҳад.

Забур 144:18–19

Шуморо ятим намегузорам; назди шумо меоям.

Инҷили Юҳанно 14:18

Ва инак, Ман ҳаррӯза то охирзамон бо шумо ҳастам.

Инҷили Матто 28:20

Худо паноҳгоҳ ва қуввати мост, мададгоре ки дар тангиҳо зуд пайдо мешавад.

Забур 45:2

Танҳо дар Худо ҷонам ором меёбад; наҷотам аз Ӯст.

Забур 61:2

Танҳо дар Худо ором ёб, эй ҷонам! Зеро ки умедам аз Ӯст.

Забур 61:6

Исми Ту муқаддас бод.

Инҷили Матто 6:9

Чунки ту набояд ба худои дигаре саҷда барӣ, зеро Худованд, ки исмаш ғаюр аст, Худои ғаюр мебошад.

Хуруҷ 34:14

Кист мисли Ту, эй Худованд, дар миёни худоён? Кист мисли Ту азимулқадр дар қудсият? Ту аз ҳар мадҳ болотарӣ, эй Офаридагори мӯъҷизот!

Хуруҷ 15:11

Куддус аст, куддус аст Худованд Худои Қодири Мутлақ.

Ваҳй Юҳанно 4:8

Ба Худованд дар шавкати қудсият саҷда баред!

1 Вақоеънома 16:29

Худовандро дидам, ки бар курсии баланд ва олӣ нишаста буд, ва домони Ӯ маъбадро пур карда буд. Сорофиён дар гирди Ӯ истода буданд ... Ва яке ба дигаре нидо карда, мегуфт: «Қуддус аст, қуддус аст, қуддус аст Худованди лашкарҳо! Тамоми замин аз ҷалоли Ӯ пур аст!» Ва ман гуфтам: Вой бар ман, ки тамом шудам!

Ишаъё 6:1–3, 5

То ҳол ман овозаи Туро шунида будам, ва акнун чашмонам Туро дидааст, Бинобар ин аз суханонам нафрат дорам.

Айюб 42:5–6

Ва Хуни Писари Ӯ Исои Масеҳ моро аз ҳар гуноҳ пок менамояд.

1 Юҳанно 1:7

То ки дар қудсияти Ӯ ширкат дошта бошем, анҷом медиҳад.

ба Ибриён 12:10

Пас, эй бародарон, модоме ки мо ҷуръат дорем ба қудс ба василаи Хуни Исои Масеҳ, Пас бо дили соф ва бо имони комил.

ба Ибриён 10:19, 22